في مظاهر سلوكيات تحير من بعض الناس في أيام الحرب دي ومحتاجين نقيف عندها وبصراااااحة شديييييدة
نمرة《1》…….
كونك من معتادي الاجرام وتسرق دا سلوك عادي ….
الماعادي ا نك تكون شبه حرامي .؟
اي شبه حرامي دي زي شنو؟
تعال نشرحها سوا
لما الحرامي يسرق وانت تشتري منو
ولما تساعد اللصوص وتعمل ليهم سوق
#لماتشتري ليك بضاعة بأقل من سعرها الحقيقي وانت عارف مصدره
كدا مافي فرق بينك وبينو هو بسرق وانت بتشتري مسروووووق وبعلمك كمان
نمرة《2》……
لما الدعم السريع يكسر المخازن والبنوك وانت تنهب زيهم ؟
اها هنا نقول عليك شنو؟
مافي زول يجي يقول لي الناس كلها شالت ؟
انت ضميرك وين؟
أخلاقك وتربيتك وين؟
اذا الناس ح تاكل الحرام انت ح تاكل زيهم؟
اختشوا يااااااخ
اها ماتجي تتفلسف لي وتقول لي المخازن دي حقت فرتكان وللا حقت المؤسسة العلانيه……
المبدا واحد والدين واااضح
( كل لحم نبت من سحت فالنار اولى به). دي القاعدة.
نمرة《3》….
لما تنهب وتحرق المال العام ولما تخرب المنشاءات………
ولماتفكك مراوح ومكيفات وكراسي وكمبيوترات وأبواب وشبابيك المؤسسة الجمبكم وتوديها بيتكم?
اهااا طيب الفرق بينك وبين المرتزقة شنو.؟
نمرة《4》.
لما الدعم الصريع يكسر الطلمبة الفي شارع بيتكم،…….
وانت طواااااالي تجري تسحب الوقود وتبيعو سوق اسود ………
وانت كمان تجري تكسر مخزن أنابيب الغاز وتبيع الانبوبة ب7ونص
يبقى انت ذاااااتك أخطر من الرباطة
نمرة 《5》……
اتقوا الله في الوطن والمواطن ……..
واتذكروا
《6》
لما تبلغ في جيرانك
وتجيب الدعم الصريع الإرهابيين وتوصف ليهم
البيت دا فيهو عربات..
البيت دا فيهو بنات سمحات
البيت دا فيهو أفراد في الأمن
كدا بتكون انت بعيد عن النخوة والرجالة ياحقير
#سيذهب_الحرام_حيث_اتى
#حق_الناس_كناااااااس
#شاديةعطاالمنان
نحنا عزنا جيش
