.
الفريق أول شمس الدين كباشي نائب القائد العام لقوات الشعب المسلحة رجل احبه الشعب السوداني وكل الشعب السوداني بيرى نفسه او روحه أو ملامحه فى الكباشي ابن ضابط القوات المسلحة ابراهيم شنتو كباشي يعنى عسكرى بن عسكرى يعنى مشبع بحب الوطن والعسكرية.
* الفريق أول شمس كباشي هو بن السلاطين ،السلطان ادم ام دبلو،والسلطان عجبنا والقائمة تطول وهو امتداد للعقيد النوباوى الجاك بخيت احد الضباط الذين سلموا العلمين الانجليزي والمصرى للدولتين بريطانيا ومصر ورفعوا العلم السوداني فى السارية مع الزعيم الراحل اسماعيل الازهرى فى يناير ١٩٥٦م عيد استقلال السودان يعنى الكردافه حاضرين تارخيا وحاضرا ومستقبلا..
* الفريق أول شمس الدين كباشي هو بن احد مكونات الشعب السوداني الاصيله بن النوبه والنوبه هم أصل السودان ليس لهم امتداد عرقى مع دول الجوار بل نبتوا فى ارض السودان ارض السمر والنيل والجبال والغابات وهو بن مملكة تقلى والعباسية والدلنج وكادقلى وأم دورين …..الخ.
* لماذا نحب الفريق أول شمس الدين كباشي لانه يحمل ملامحنا التى ضاعت وسط المنافقين والدجالين وسماسرة السياسه،كنا نبحث منذ زمن فى الغابات والصحارى والنيل وفى كل مكان عن ملامحنا اخيرا وجدناه وجدناه فى كباشي حامى حمى الوطن كنا نفتش ليك ياكباشى فى اللوحات وفى عين الناس وفى التاريخ وفى الضل الوقف ماذاد ياحارسنا ويافارسنا ويا قائدنا يا البتشبه ملامحنا الفريق أول شمس الدين كباشي.
* تحدث الكباشي بعد صمت طويلا ثم نطق قال هنا السودان، ،،فقط للسودانين الاحرار فله تحية الاحرار..
* قال الفريق شمس الدين كباشي ليس هناك شيء اسمه دمج.
* قال الفريق شمس الدين كباشي ليس هنالك اتفاق إطاري.
* قال الفريق اول شمس الدين كباشي ليس هنالك حوار سياسي قبل انهاء التمرد بلا رجعة..
* قال الفريق أول شمس الدين كباشي لا حوار مع قوى اعلان الحرية والتغير المركزية العميلة فى الخارج.
* قال الفريق أول شمس الدين كباشي لا احتكار ولا إقصاء في المرحلة المقبلة ..
* قال الفريق اول شمس الدين كباشي من يريد المشاركة في العملية سياسية القادمة عليه أن يأتي إلى السودان..
* قال الفريق أول شمس الدين كباشي لا وصاية ولا تدخلات خارجية او فرض حكومات عميلة على الشعب السوداني بعد اليوم.
* شكرا جزيلا الفريق أول شمس الدين كباشي لقد أسعدت الشعب السوداني بكلماتك الواضحات التى كنا نبحث عنها كشعب السوداني تسلم البطن الجابتك.
دكتور عصام دكين
