رصد _ عزة برس
السيده عزيزه ادم منديل اليهودية الاصل المسلمة الديانه والتي توفيت عن عمر ناهز 81 سنه( ظبية المسالمة وكانت ملكة جمال امدرمان )
جريدة الاسطورة بتاريخ 6ابريل 2010=
في حوار مع جريدة الاسطوره قالت السيده عزيزة منديل ان عائلتها اليهودية دخلت الاسلام وبنت الخلاوي ووزعت الهدايا وزارت بيت الله .. جدها داؤد منديل هو تاجر كان ياتي الي السودان من الجزائر والمغرب حاملا معه الحرير والالماظ وكان صديقا شخصيا للامام المهدي الذي اطلق سراحه بعدان اسره، ونطق الشهادتين علي يديه. وبعد اسلامه زوجه المهدي لاحد بنات الاشراف من سوريا حيث انجب ستة ابناء احدهم آدم والد السيدة عزيزة.
=تروي السيدة عزيزة آدم منديل انها كانت ملكة جمال امدرمان في ذلك العهد وقد كتب فيها اغنية بنت النيل والتي يقول فيها الشاعر ” ظبية المسالمة.. الفي الخمائل حالمه. ابكيك ياظالمة … وأغنية اخري كتبها احد الذين تقدموا لخطبتها لكن لم يوافقوا عليه اهلها ويتغني بهذه الكلمات الفنان احمد المصطفي.
كلما ذكرت جمالو.. وكلما ذكرتو ابكي=هذا ما ذكره الفنان الجقر بشان ظبية المسالمه ونجلس في الشارع انتظاراًللوري وكثيرا ما كانت ظبية المسالمة تأتي في الطريق الذي كنا نجلس عليه ذاهبة للجيران. امرأة جميلة سمراء اللون قبطية مسيحية كل شعر الحقيبة الذي وردت فيه كلمة ظبية المسالمة كتب فيهارحمها الله.
توفت في الثمانينيات اسمها عزيزة رأيناها وعمرها ناهز الستين ولكنها كانت تحتفظ بجمالها والدتي كانت ترد عليها السلام اهلا ياظبية المسالمة وكانت تطرب لكلمة ظبيةالمسالمة جدا قصيدة واحدة وردت فيه كلمة المسالمة من شعر الحقيبةولم تكن المقصودة ظبية المسالمة كانت معلمة جميله جدا الان لها مسجد باسمها خارج حدود امدرمان وكتب القصيدة سيد عبدالعزيزوهي اغنية « لى نيه في قمر السما .. حي المسالمه ومسلما) في اشارة الي ان المقصودة فتاة مسلمة وليست ظبية المسالم المسيحية….
اغنية بنت النيل
الفنان :أحمد المصطفى
يا بنت النيل .. النيل
أحبّ النيل يا جميل
ظبية المسالمة
وفي الخمايل حالمة
وفيك يا ظالمة
يا ظالمة يا ظالمة
تجرحني ليه
وانا كلّي جراح
لابد يوم ألقاك وارتاح
آه .. أنا من عيونو الساحرة
آه .. أنا من ضفايرو السادلة
يتعبني تعب شديد
لو حلحلا
ليك من سحر الجنوب قسماتو
ومن طيب زهر الشمال نسماتو
أحبّو واحب نوناتو
نوناتو الفي وجناتو
أحبّو واحب تقديرو
أحب رمّان صديرو
وسيف لحظو حين ما يديرو
أموت ما بعشق غيرو
المسخت الأعذار
في خدرها قلبي دارا
أريدا واريد هظارا
يا ناس حلاة بني بارا
قال ليّ صديق خلّيني
صبح الغرام باليني
قت ليهو دا مواليني
وهو المن زمان قاليني
فقدنا الصواب يا شبابنا
يا ابو عبدة وين احبابنا
لو متنا هم أسبابنا
العودة يا أربابن
ملامح سودانية 🖋️
