الحب المسموم هي نهاية لحياة كانت ذات طابع مخيف تاره حب و تاره خيانة لقد تعلمت الكثير و المفيد من تلك التجربة المريرة التي استمرت ثلاثة سنوات و أكتر، و في يوم و انا بفكر في شي من نظرة ثلاثية الأبعاد رأيت ان حياتي أصبحت في خطر مع شخص قدمت ليهو الكتير من مساندة في الزمن الصعب لكن كان رد الجميل لي هو الغدر، و الخيانة، و النفاق، و الكذب كل لحظة هنا قررت اهدم كل شي جواي من الحب الذي لا يقدم لي غير الاحباط و التدمير فقط و ختمت حياتي معه بقصيدة الحب المسموم الذي سمم كرويات الحب النقي ودعت تلك القصة المريرة الي الأبد ليس قسوة لكن راحة بال من الوجع المتكرر من الغدار و الخيانة.
كانت بداية لي لتغيييير نمط حياتي بطريقة مميزة و مدهشة و حياتي الآن أصبحت احلى و اجمل من غيرو وداعا لكل السنين العجاف…
م.. نوفا الكردفانية
وهذه هي القصيدة
الحب المسموم
كلمات
م.. نوفا الكردفانية
انت عارف لما اقنع تاني ما بهتم بيك
اتوكل ارحل مني فوت اصلي ما متحاجة ليك. ====≠=======
السنين العدو ديك كان ألم و عذابا مر
و انت عارف لما اقنع كل حاجاتك تمر
والله ما بندم عليك والله اداني الصبر
===========
يوم لقيتك في الطريق قايلني اني بحس بيك
والله عديت زي خيال اصلي ما فكرت فيك
===========
انت فاكر ليكا قيمة جاي تتدل عليا
أعلنت يلا لفراقك و اصلو حبك لي اذيه
============
قالوا لي عنك كتير و اصلي ما صدقتهم و قالوا طول السنين و اصلي ما صدقتهم بس الليلة شفتك بعيوني والله جد فاجاتهم
≠===========
اصلو ده المشوار طويل مهما تبكي او شكيتا.
مافي زول بقعد معاك اصلي كنت ضحية ليكا
============
السنين العدو ديكا احتسبتهم لي سراب
و ربي فكا خلاص قيودي و نجاني من ويل العذاب
===========
٦ يونيو ٢٠٢١
٦ يونيو ٢٠٢١
