كتب المنشق عن الدعم السريع إبراهيم بقال:
انا ما منافق
أقسم بالله انا من الله خلقني واضح في كل خياراتي لا بتدس من زول لا بلبد لا بخاف الشايفو صاح بمشي فيه صاح وبكل صدق ، ومتي ما ادركت انه خطأ بتراجع عن الخطأ بكل صدق لا حانث ولا مجبور ..
• كنت كوز وكنت بشهرها علي الملأ لما القحاتة كانوا في عز عنفوانهم وغرورهم واجهناهم وما اتلبدنا ولا انزوينا ودفعنا التمن غالي حتي وجدنا الخزلان والقهر من بعض الاخوان وقتها وتركناهم وغادرناهم بلا رجعة حتي الان ..
• كنت دعم حقيقي وواضح وما كنت لابد ولا مندس وعلناً والكل يعرف ذلك ، حتي وصلت لقناعة تامة ان هذا الاتجاه خطأ وتراجعت وتركت الدعم بلا رجعة ..
• لكن الكعب البمسك العصاية من النص وينافق هذا وذاك ويعمل فيها الشريف الرضي وهو متعاون وموجود وسط الناس بي هنا ويتعاون مع الدعم بي هناك ..
• كتار صحفيات / ن ” دون ذكر اسماء الا إضطراراً ” موقفهم الظاهر مع الجيش وظلوا علي تعاون مع الدعم طيلة فترة وجودي هناك .
في ظل الحرب دي في صحفيات عملوا ليهم مراكز اعلامية بمبالغ مليارية ضخمة بدعم مباشر من عادل دقلو وإدريس مدلل والنقيب حسين الشيخ سعيد الجد ويوسف ضبة ،
منو من الصحفيات كانت متواصلة حتي يوم تحرير كبري المنشية متواصلة مع النقيب حسين الشيخ سعيد لما ضربتو مسيرة وكانت تبكي حزناً وبحرقة وتدعو له بالشفاء حتي وفاته !؟
ولما انا قلت دي منو البتبكي قدر !؟ ،
ولما سمعت صوتي وعرفتني قفلت الخط سريييع وقالت لاخو النقيب حسين المرافق في المستشفي حلفت بالله ما تقول لبقال أسمي !؟
وانا اصلاً عرفتك وعارفك من زمان متواصلة معاهم …
• منو الكانت بتتواصل مع الناعم عبد الله ليل ونهار ومكالمات بالساعات الطويلة وتتواصلي مع الناعم عبد الله لشنو وانتي داعمة الجيش والناعم دعامي !؟
ومنو الكانت بتتواصل مع صالح عيسي خال حميدتي وبرسل ليها المصاريف بالمليارات !؟
• اقسم بالله العظيم انا ما منافق وانا كنت دعامي واضح وحقيقي لا مزروع من الجيش ولا من الكيزان ولا ساموراي ولا عميل ” متزوج كما قال السافنا ” واي زول في الدنيا دي عارف لكن كعب المنافق والمتعاون المندس ..
• انا زي البيبسي تشربو بارد بهشم ليك ، تخجو بطلع ليك بي نخرتك … 🤌🤌
