متابعات _ عزة برس
اصدرت أسرة آل عجاج توضيح على خلفية الحوار الذي أجرنه قناة إماراتية مع ابنتهم الفنانة نانسي عجاج فيما يلي وفاة أبنهم الموسبقار المعروف ” بدر الدين عجاج” .
وفي ما يلي ملابسات وفاته وحكم المحكمة قالوا : هناك تقرير طبيب شرعي قدم، وطبيب شرعي وقف امام قاضي وادى قسم وادلى بشهادته، وبناء عليه حذفت من مواد الادعاء. وصدر حكم المحكمة بالاعدام، وتم التنفيذ.
نص ال:توضيح:
نحن كاسرة آل عجاج، مابيهمنا ميولك السياسية، و ده ما موضوعنا خالص.
موضوعنا انو البرومو(الترويج) النزل ده بيمسنا وبيمس اي زول ينسب لي آل عجاج، بما فيه من قذف واشانة سمعة لي والدنا الاتوفى من اكتر من ١٧ سنة،
قيل دي، يقوله الزول العادي الفي الشارع، الماعندو احتكاك حقيقي بالقضية، وبيستقي معلوماته من القيل والقال ولكن انتي وان كنتى ما قاعده تحضري المحكمة كان في محامي بينوب عنك، م وراك حصل شنو في الجلسات.
اي متهم بيحاول يبرئ نفسه ولكن الفيصل الأدلة وشهادة الشهود،
في تقرير طبيب شرعي قدم، وطبيب شرعي وقف امام قاضي وادى قسم وادلى بي شهادته، وبناء عليه حذفت من مواد الادعاء وفي حكم محكمة صدر بالاعدام، وفي حكم اعدام اتنفذ، وانا حضرتوا بي نفسي.
السؤال البيطرح نفسه:
ليه اثارة الموضوع ده بعد ١٧ سنة؟
مالغرض من التطاول ده؟
ليه محاولة اثارة حفيظة كل زول من او منسوب لي آل عجاج؟
اي شخص بيعمل في مجال الاعلام بيعرف انه من حقك تحدد المحاور وترفض ايي اسئلة انت ماعاوز يتم تناوله
ولكن ده ما حصل، تناول الموضوع في حد ذاته تطاول
واي شخص يتطاول علي حرمة الميت، يلاقي جزائه الرادع، والقانون وجد لاحقاق الحق.
حنتتطالب بي حقنا والدنا ربنا يرحمه من كل من تطاول عليه.
وفي الاخر:
بدرالدين عجاج، ضفره بيك وبي العقالات المعاك دي.
وبابا ربنا بيحبه بان ظلم وبهت(تاااني)، وبرضو جعل الله انو كل الناس دي اليوم تترحم علية
اما بالنسبة لينا احنا : ان الله اذا احب عبدا ابتلاه.
آل عجاج
