صاحب السيره. العطرة . والاسم الفخيم، له ألف رحمة . ومغفرة ورضوان ،، اللهم اجعل الفردوس داره ومستقره ٠
وتبقى سيرتك. هى الكلام ،، وتبقى صورتك هى الرؤى الحلوه البعيشها
فى صحوتى ، او حتى فى عز المنام،،
ورحل الفنان المعلم (( الاستاذ ))
والاستاذية لقب وشرف يناله كل من يعطى فى مجال. الابداع الانسانى٠
هذا. اللقب حينما يصادف مابين الذى
يجمع الطباشيرة. بالوتر. تكون الاستاذية. بمعناها. الكبير
الاستاذ الراحل محمد ميرغنى حقق هذا المعنى ، غنى الكلمة الحلوة الرشيقة المعبرة ،، منحها بأدائه العميق ،،، ،دفئها. وتأثيرها ٠٠
حينما يغنى محمد ميرغنى يصحبنا معه فى رحلة إلى أغوار النفس،، حيث تكمن الأوتار الروحية التي تصادف الأوتار الغنائية،،
رحم الله ميرغنى ابنعوف الذى ظل بأغنياته ،، يمنحنا ،، اريجا عذبا ،يريح النفس التواقة للغناء العذب الرصين،،
انا والاشواق فى بعدك ،بقينا اكتر من قرايب ،، ما نغيب عن بعض ابدا . زى اعز اتنين حبايب ٠
هل هناك أصدق من هذه الأبيات الغنائية التي تعبر عن الشوق للمحبوب وهو بعيد عن ديار المحب ؟؟؟
هذه الكلمات رغم بساطتها لكنها تغني عن كتاب بأكمله ، تغنى عن ساعات وعن ليالي يبحث فيها الإنسان عن مفردات و أحرف يسطر بها معنى الاشواق
محمد ميرغنى عودنا دوما ان يختار الكلمات الناضجة ويمنحها من البحة الجمالية التي تكسو صوته ،رونقا وبهاء ٠ ومضى محمد ميرغنى. صاحب الضحكه الرنانه التى اكتسبها من عمر محمود خالد ٠
لما تضحك ،، تضحك الدنيا وتزغرد،،
ويرقص الموج. فى الجداول ،،
تنتشى الفرحه. وتعربد فى عناق
وهج السنابل ،،
فى شموخ. عزه. وخليل ،،
لما تضحك ياجميل ياندى الدنيا ونضارا. ورعشة الخاطر النبيل ،،تبتهج سنار وبارا ،، وحلفا تشمخ زى منارا ،، وتقدل ام در فى الاصيل،.
وتقدل ام در فى الاصيل ٠
ورحل الفنان الملتزم لفنه وجمهوره
الرياضي ،، وهو رياضى مطبوع ،، ولاعب متمكن ،، ومعلم. للاجيال ٠
تعامل مع عدد من الملحنين. شكل ثنائي منسجم مع الموسيقار حسن بابكر ولحن له محمد سراج الدين وعبد الله عربى وغيرهم ،،لكنه كان يعتمد فى ألحانه على مقدرته الإبداعية فى موسيقية للألحان دخل ميرغني ابنعوف الاذاعة فى العام ١٩٦٥ م كان ضمن المطربين عثمان مصطفى ،، ومحمود على الحاج ،،
،سبقه فى الدخول للاذاعه زيدان ابراهيم ،، عبد العظيم حركه ،، حمد الريح عليهم الرحمه. جميعا ٠
قطف من حدائق الشعراء ،؛ السر قدور ،،حسن الزبير ،، مصطفى سند السر دوليب ،، التيجانى حاج موسى
حسبو سليمان ،، سعد الدين ابراهيم ،،امنه خيرى ، وغيرهم تغنى لصلاح حاج سعيد ،
بعدك وحيد ،، ماقلنا ليك ،، معاك موعود ،، و لو كان عصيت امرك انا ،،
لو كان عصيت امرك انا. وسبتك محلق فى زمان. الأمكنة ؟،؟
ماكنت وريتنى النجوم عز النهار متلونه ،،
انا.
ليك. مداين حب. بنيت ،،
شيدت. ليك. باقات. منى. شيدت قصرك. فى. السحاب ،،
وكتبت فيك اجمل غنا. بذلت روحى عشان اجيك نتلاقا فى ساعة هنا،
لكنى كان اخر جزاى ،منك مواقف مره ومحزنه ٠
اذكر يوما لاينس عند تقديمى لحفل تكريم الموسيقار عثمان حسين بالمسرح القومى،، ايام الوزير الاستاذ هاشم هارون ، الذى نظمته. وزارة الثقافه بولاية الخرطوم، ،،
تبارى وشارك عدد من المطربين لاداء
روائع الفنان عثمان حسين له الرحمه ،؛ كان بينهم صلاح مصطفى وعلى ابراهيم. ومحمد ميرغنى وقائمه طويله ٠
اذكر اننى كالعاده قدمت جميع المطربين مستهله بكلمات وشعراء اغنيه عثمان حسين ٠٠
استثنيت تقديمى وقتها عندما جاء دور. الفنان محمد. ميرغنى،،
وكنت وقتها معجبه باغنية شفتك
وابتهجت ٠
فبدأت بغير العاده وكانت بدايتى
هكذا ! لسه خطاى تسرى فى تقاسيم جميله ،،
وانت زى ما انت قبل سنين طويله
تقول ماردت اصلك ولاساهرت ليلة
بس مر الليالى خلى العين كحيله
فاندهش الكثيرون حتى. محمد ميرغنى بينهم ،، وتوقف لحظه ثم واصلت التقديم ،؛.مرحب بربيعنا
الليهو زمن جفانا واهلا نور عيونا
السابنا بعد سبانا ،!!.ا
اها وكيف ناوى تعمل بقلوبنا وحنانا ؟
بعد ماجيت لقيتنا حافظين الامانة؟؟
ارحب الان بالمخلص الوفى الاستاذ محمد ميرغنى ليتغنى باغنية عثمان
حسين فاندهش بعضهم لتخصيصى
لمقدمة محمد ميرغنى بدلا لمقدمة اغنية الفراش ٠
ومنذ تلك اللحظة احسست بتقدير
واعزاز من الراحل ميرغني ابنعوف
تجاه تقديمى. له الرحمه٠
بدا تسجيله لأول مره فى الاذاعه لأغنية أنا والأشواق للسر دوليب وايضا بداها فى البرنامج الشهير
صالة العرض للاستاذ علم الدين حامد
فتغنى للسر دوليب ايضا فيما بعد
باغنية لو قدرت غيب على ،، وابقى
بى وصلك بخيل ،، ياحياتى ونور عينى وين تروح من حبى وين ؟؟
النسيم المارى هادى فيه من اشواقى
نفحه ،، والقمر النوره بادى فيه من
اشواقى نفحه ،، وبعدت تابعت الظنون ، للقلوب. احساس. يقرب حتى للارواح عيون ٠
وقطف من حديقة التيجانى حاح موسى الغنائيه الحزينه ،
يفرق كتير وتمر بى من غير سلام
يفرق كتير ويتحسب كل يوم يمر
يفرق كتير طعم الحلو لو يبقى مر
كلمنى حاول حس بى كلمنى خت
اللوم على،؛ كلمنى والكاين يكون ،،
وايضا من ديوان شعر التيجانى حاح موسى كانت اغنية تباريح الهوى التى
سمى عليها الديوان ٠
وتحلو الشكوى بصوت محمد ميرغنى،
الجانى منك ومن تباريح الهوى وصفه
بصعب ياجميل
وبعدت عنك لما طال بى النوى بقى
لى اسيبك مستحيل ،،
بشكى ليكم يا. مظاليم. الهوى ،،
اصلى مجروج. مرتين ،، يمكن .القى الزى فيكم ،
ضاق جراح الحب ومتعذب سنين،
يمكن القى وصفه تنفع ولايمكن
القى حاجه تخفف الجرح القديم
حاجه تشفع ٠٠
لم يتوقف ميرغتى ابنعوف عن الاختيارات الأنيقة ٠ فتغنى لصيدة
عثمان خالد الامدرمانية الجميلة الساحرة ،،
سمحة سمحة الصيدة. ماجارتنا وبت حلتنا. . وبنريدا ،؛
بما انه انسان جابر للخواطر تغنى لمصطفى سند فابدع،،
زمان غنينا لعينيك اغانى تحنن القاسين ا
هدينالك معزتنا مشينا وراك سنين وسنين
بنينالك قصور بالشوق
فرشنا. دروبا. بالياسمين
وقلنا. عساك. تزورينا
ترشى البهجه فى ساحتنا
بى عينيك. تضويها حلاتك انت ماشه براك شايله الدنيا بازهارا وبى الفيها ٠
عشان خاطرنا خلى عيونك الحلوات
تخاطرنا ،،
ولما تمرى ابقى اقيفى واسألى عن مشاعرنا٠
لم ينسى الحنين للسر قدور
واقول ياريت زمانى الفات يعود تانى
والقاك ياحبيب عمرى. وتلقانى،،
وتلقى الريد معاى لحظه مانسيتك ولا نسانى
لابنساك ولا بقدر ولا عايز بعد حبك احب تانى ٠
رسى فى بستان حسن الزبير وقطف الرائعات ،،
امسكى عليك عيونك ديل امسكيهن
وخلينى اروح وانفك من شبكة عيونك ديل
ده شيتا اصله ماشفناه ،، لافى الناس ولا فى الريل،،،. ده ما قدر الله جانا عديل،،
واعقبها بى ياريده مين بقدر عليك؟؟
مين بلقى فى. دنياك. امان ؟؟
اخفيتى تيجان الملوك وهزمت فرسان الزمان. وانا الضعيف ياريده كيف اتحملك. بعد عزيز وبعد ملك
اصبحت بى امرك ملك
ومضى الاستاذ صاحب السيره العطره
وترك عشاق فنه يرددون ،، كل لحظة
بعيده عنك ضايعه من ايام. زمانى
وكل يوم كان لى فى قربك اتمنى لو احياه تانى ٠
وروحى لو غنيتا ليك مابتصور ما اعانى٠
شوقى ابلغ من غناى وروحى اسمى
من المعانى
الف رحمة ونور ورضوان على روح
الراحل المقيم محمد ميرغنى الاستاذ٠
الاذاعيه. محاسن سيف الدين تنعى
صاحب السيره العطرة
الإذاعية محاسن سيف الدين تنعى المربى الفنان الراحل محمد ميرغنى
![](https://www.azzapress.com/wp-content/uploads/2023/12/IMG-20231212-WA0007-1.jpg)